ऋतुगंध हेमंत - वर्ष १२ अंक ५
तुझी आणि माझी स्वप्ने एक आता
एक झाल्या वाटा
जन्मोजन्मी
असू दे बिकट चालू दोघे वाट
हातामध्ये हात
गुंफूनिया
मनासी मनाचे मीलन आपुले
हे तो ठरलेले
नि:संशय
जशा नित्यनेमी विविध रंगात
वेली वसंतात
फुलारती
नको मज आता चंद्र सूर्य तारे
सामावले सारे
तव नेत्री
टाक दु:खे तुझी माझिया पदरी
घे अन हासरी
सुखे माझी
कायाछायासम संगती मी तुझ्या
ऐक रे तू माझ्या
जीवलगा
- भवान म्हैसाळकर
कोणत्याही टिप्पण्या नाहीत:
टिप्पणी पोस्ट करा