आपल्यातील बऱ्याच जणांना मेथीची भाजी आवडत नाही , परंतु कडू रस तर आपल्या खाण्यात असलाच पाहिजे. मेथी मुठिया हा एक चविष्ट पर्याय आहे मेथी खाण्याचा.
साहित्य:
मेथीची एक जुडी (पाने निवडून साधारण 150 -200 gms होतील )
गव्हाचे पीठ 3 वाट्या (300 gms)
किंवा गव्हाचे पीठ 150gms +थोडे ज्वारी पीठ +थोडे बाजारी पीठ + थोडे बेसन + थोडे नाचणी पीठ ( मी हाताशी असतील ती सगळी पीठं घालते )
आलं -लसूण -मिरची पेस्ट -2 चमचे
हळद
हिंग
हवी असल्यास मिरची पूड
एका लिंबाचा रस
चवीप्रमाणे मीठ
पाव चमचा खाण्याचा सोडा
फोडणी साठी तेल , मोहरी , तीळ
कृति :
मेथीची पाने धुऊन, निथळून, चिरून घ्यावी सर्व पीठे , चिरलेली मेथी , आलं -लसूण-मिरची पेस्ट , हळद , हिंग , सोडा , मीठ , लिंबाचा रस एकत्र करून पोळ्यांप्रमाणे पीठ मळून घ्यावे.
मळलेल्या पीठाचे एक इंच जाडीचे रोल्स बनवून ते 15-20 मिनिटे वाफवून घ्यावेत.
वाफवलेले रोल्स थोडे थंड झाल्यावर त्याचे छोटे तुकडे करावे.
कढईत 3-4 tbsp तेल गरम करून त्यात मोहरीची फोडणी करावी. मोहरी तडतडल्यावर तेलात 2-3 चमचे तीळ घालावेत.
लगेचच वाफवलेल्या मुठिया घालाव्यात आणि 3-4मिनिटे वाफ येईपर्यंत झाकून ठेवावे.
गरमा -गरम मुठिया तयार.
अरुंधती घुमण
कोणत्याही टिप्पण्या नाहीत:
टिप्पणी पोस्ट करा