एकला चालो रे

ऋतुगंध ग्रीष्म - वर्ष १२ अंक २

एकला चालो रे 

पण एकत्रच,

एकलेपण प्रत्येकाचं,

वेगळालं, नाहीच;

हा एकलेपणा,

सगळ्यांना पुरून उरतो,

सगळ्यांच्या वाट्याला,

तो येतोच येतो;

हा एकलेपणा, 

तुझा नि माझा,

आपल्या सा-यांचा,

चराचराला बांधणारा

धागा अगदी अतूट;

हा एकलेपणा,

दरवळतो...

जथ्यांच्या गाॅसिप्समधून,

ढळतो...

वार्धक्याच्या पापणीतून,

डोकावतो...

बाल्याच्या लुटुपुटुच्या भांडणातून;

हा एकलेपणा,

अरे हाच तर

माझा सोबती सच्चा,

जन्म-जन्मांतरीचा.

- अर्चना रानडे