मग रोज निरीक्षण करता करता हळू हळू घराजवळच्या बागेत अनेक पक्षी दिसायला लागले. नेहमी न दिसणारा एखादा देखणा पक्षी दिसला आणि त्याला कॅमेरात बंदिस्त केलं की कोण आनंद व्हायचा. सुरवातीला त्यांची नावं माहीत नसतं. पण आपल्या झुक्याच्या फेसबुकचा काय उपयोग मग. फोटो पोस्ट करताच त्याची माहिती कोणी ना कोणी देत असे.
जे सर्वत्र दिसते त्याचे नाविन्य आपल्याला कधी वाटत नाही. सिंगापुरात मैना हा पक्षी शेकड्यांनी आढळणारा. त्यामुळे त्यांचा फोटो कोण काढणार. कधी काढलाच तर "आज बाकी पक्षी सुट्टीवर गेले का?" अशी फेसुबकवर विचारणा होत असे.
पक्षी जगताबद्दल कुतूहल आणखीच जागृत झालं होतं. सिंगापूर नॅशनल पार्क च्या पक्षी गणतीसाठी स्वयंसेवक म्हणून नाव नोंदवलं. त्यांनी रीतसर माहितीसत्र घेतलं. त्यात ह्या मैना पक्ष्याबद्दल नवीच माहिती मिळाली. ह्या फोटोत जी मैना आहे तिला कॉमन मैना असं नाव आहे. हा पक्षी मूळ सिंगापुरातला.
ही माहिती मिळेपर्यंत अशा दोन प्रकारच्या मैना सिंगापुरात आहेत हे देखील माहीत नव्हतं. तोवर सर्व मैना एकसारख्याच दिसत. पण आता दोन्ही वेगळ्या ओळखता यायला लागल्या. जावन मैना चा फोटो सुद्धा बरोबर जोडते आहे. पहा तुम्हाला सुद्धा दिसताहेत का अशा दोन प्रकारच्या मैना.
-राजश्री लेले
उत्तम लेख
उत्तर द्याहटवा