गुलाबी ढग, गुलाबी स्वप्न ?
स्वप्न की सत्य ?
सत्य, चिरंतन सत्य.
सत्य, असतं का पारदर्शक ?
पारदर्शक, म्हणावं का आत्मदर्शक ?
आत्मदर्शक, असतं का पाणी ?
पाणी : भूगर्भात, भूवर, आसमंतात.
आसमंतात एक ऊर्जा.
ऊर्जा, माझ्यात तुझ्यात.
तुझ्यात, माझं प्रतिबिंब.
प्रतिबिंब, कुठे दिसतं ?
दिसतं पाण्यात, शांत-पाण्यात !
पाण्यात सगळंच सामावतं.
सामावतं सारं आसमंत.
आसमंत. अनंत, अमर्याद.
अमर्याद आकाश, अमर्याद माती.
माती, पाणी, आकाश, पोकळी.
पोकळी ? खरंच ? की आभास ?
आभास, ज्याचा रंगच गुलाबी.
गुलाबी, गुलाबी ढगांच्या उरी सामावलाय मावळता रवी.
रवि, चिरंतन.
चिरंतन रवी, चिरंतन जल, चिरंतन वृक्ष.
वृक्ष : दूत, अपत्य मातीचं, धरेचं.
धरेचं स्वप्न, गुलाबी !
गुलाबी ढगांचं !
गुलाबी ढग, गुलाबी स्वप्न ?
स्वप्न की सत्य ?
सत्य....
तृप्ती मेहता-देशपांडे
कोणत्याही टिप्पण्या नाहीत:
टिप्पणी पोस्ट करा